Si llogaritet paga neto nga bruto në 2026
Kontributet e punonjësit 11,2%, të punëdhënësit 16,7% dhe tatimi mbi pagën sipas fashave, me shembuj për paga të ndryshme.
Ekipi i Llogari.al · · 5 min lexim
Nga paga bruto zbriten tri gjëra: kontributet e sigurimeve shoqërore, kontributi i sigurimit shëndetësor dhe tatimi mbi të ardhurat nga punësimi (TAP). Ajo që mbetet është paga neto.
Kontributet
| Punonjësi | Punëdhënësi | |
|---|---|---|
| Sigurime shoqërore | 9,5% | 15% |
| Sigurim shëndetësor | 1,7% | 1,7% |
| Gjithsej | 11,2% | 16,7% |
Sigurimet shoqërore llogariten mbi një bazë me kufij: jo më pak se paga minimale (50 000 lekë) dhe jo më shumë se 186 416 lekë në muaj. Sigurimi shëndetësor llogaritet mbi të gjithë pagën bruto.
Tatimi mbi pagën (TAP)
- Paga deri në 50 000 lekë: pa tatim.
- Paga nga 50 001 lekë deri në 60 000 lekë: 13% e shumës mbi 35 000 lekë.
- Paga nga 60 001 lekë deri në 200 000 lekë: 13% e shumës mbi 30 000 lekë.
- Paga mbi 200 000 lekë: 22 100 lekë plus 23% e shumës mbi 200 000 lekë.
Shembuj
| Bruto | Kontribute | TAP | Neto | Kostoja e punëdhënësit |
|---|---|---|---|---|
| 50 000 lekë | 5 600 lekë | 0 lekë | 44 400 lekë | 58 350 lekë |
| 80 000 lekë | 8 960 lekë | 6 500 lekë | 64 540 lekë | 93 360 lekë |
| 120 000 lekë | 13 440 lekë | 11 700 lekë | 94 860 lekë | 140 040 lekë |
| 250 000 lekë | 21 960 lekë | 33 600 lekë | 194 440 lekë | 282 212 lekë |
Kostoja e punëdhënësit është paga bruto plus kontributet që paguan ai mbi të. Për të gjetur bruton nga një neto e rënë dakord, llogaritja bëhet mbrapsht.
Listëpagesa (E-Sig 025) deklarohet çdo muaj brenda datës 20. Në Llogari.al pagat llogariten vetë për çdo punonjës dhe platforma sinjalizon pagat nën minimale ose bazat e gabuara para se të deklaroni. Shikoni shërbimet.